Maskenett

Gåver i Merino extra fine

Særs lenge sidan sist blogginnlegg, men eg prøver jamvel på nytt. Sidan sist har eg prøvd ut Merino extra fine frå garnstudio. Verkeleg eit godt garn å strikke med. Håper det held seg like godt i bruk, er berre litt redd for at det kan verte litt nuppete. Har strikka to gåver i dette garnet som snart skal overleverast.

Har sett fleire flotte varianter av Topp med bladmønster i bloggverda. Synest bladmønster er veldig flott, og tenkjer denne må passe flott til niesa mi som snart vert 3 år.

 

Har òg strikka ei jakke med raglanfelling til ein gut som enno ikkje er fødd. Av restane vart det nok til eit par små grøne sokker. Jakke er strikka i str 6 mnd, så vonleg vert den god å ha til hausten. Mønsteret er frå garnstudio.

Ha ein fin kveld :)

Varme hender

Eg har lenge tenkt på å strikke "Den dama"-hanskene, og skaffa meg mønsteret for lang tid sidan. Hadde tenkte meg at hanskar skulle vere skikkeleg stress å strikke, men det gjekk overraskande greitt. Mykje takka ein velskriven oppskrift. Hanskane er strikka i New Zealand lammeull, og brukte ca 40 g til paret. Det einaste problemet eg hadde med hanskene var med den høgre mansjetten. Eg fann aldri heilt ut korleis eg skule strikke den riktig saman og få knappehôlet på rett stad. Eg endte etter mykje om og men å godta at eg ikkje fekk det heilt rett, og strikka vidare. Har lyst til å strikke eit par til av hanskene og får prøve å sjå om eg finn ut av korleis den høgre mansjetten skal vere då.

 

Eit nytt par av MItered mittens har det òg verte sidan sist. Eg er særs glad det i det mønsteret. Vottane har ein veldig god passform. Eg har følgt mønsteret, med unntak av at eg har nytta denne måten  på å strikke tommelen. Garnet eg har brukt er tynn alpakka, Fotrama Alpakka, frå Pinnsvin design. Kanskje ikkje det mest slitesterke garnet, men særs mjukt. Kosevottar :) Begge desse handplagga vert nok julegåver, men har ikkje heilt funne ut til kven enno.

Restevottar

Eg hadde ein del restar av finull etter tidlegare votteprosjekt, fire av restenøstene vart brukt til desse vottane. Mønsteret kom til undervegs, og eg er godt nøgd med fargane og mønsteret. Trur vottane vert gode å ha når vintaren kjem. Skulle eg lage eit anna par seinare ville eg vurdert å finne ein annan tommelløsning.

Ute pøser det ned i dag, så eg trur resten av dagen vil gå med til strikke av diverse juleprosjekt. Ha ein fin sundag !

God og grøn kragejakke

Kragejakka frå førre innlegg er no ferdig og teke i bruk. Med dobbeltråd Shetland Soft er jakka både god og varm. Eg er særleg nøgd med tommelhôla, og dei er særleg nyttig når ein skal skrive notatar i kalde førelesningssalar. I tillegg er grønfargen ein favoritt hos meg. Det vanskelegast med jakka var i grunn å finne knappar som kunne passe, men eg fann til slutt nokre brunmønstra som kunne brukast.

 

Kragejakke-fakta (ravelry):

Mønster: Kragejakke frå Strikk til nøstebarn - storleik M.

Garn: Shetland Soft, farge Olive, 770 gram.

 

Grønt er skjønt

Nett no held eg på meg å strikke ei jakke til meg sjølv. Mønsteret er kragejakke til vaksne frå Strikk til nøstebarn. Garnet er Shetland Soft frå Malsen og mor som er veldig godt å strikke med, og fargen, olive, er berre heilt nydeleg. Eg har byrja med ermene, og strikkar ein ekstra lang vrangbord med tommelhôl. Dermed kan eg ta notat på kalde førelesningssaler utan å fryse på fingrane. Elles kan eg gjerne rå deg til å handle hos Malsen og mor, flott service, levering og produkt.

 

Når eg i førre post byrja å gå gjennom kva eg har strikka i den lange bloggpausen min, kan eg ta med to prosjekt som eg gjorde ferdig i sommar. Til niesa mi som vart 2 år, laga eg kjolen Fiona. Strikka i lammeull frå Rauma og med grøn rest i Duo merino. Synest kjolen vart flott, men dessverre kanskje litt kort for niesa mi. Ei anna bursdagsgåve var sjalet Ishbel av Ysolda. Mønsteret var veldig bra skrive og lett å strikke. Synest òg sjalet vart flott. Eg strikka den minste storleiken, som m.a. passar godt å ha i halsen. Har allereie planar om å bruke dette mønsteret fleire gongar .

  

Tilbake !

Bloggen min har verkeleg vore død i ca eit halvt år, noko eg ikkje er særleg stolt over. Deler av grunnen til at det har vore så stille er at dataen min byrja å verte særs treg og lite samarbeidsvillig. Men på fredag har eg fått meg ein ny mac, og vonleg vert det betre då :)

Sjølv om det har vore lite blogging, så har eg framleis strikka. I vår var eg på ball med studiet, og trengte ein bolero til kjolen min. Etter å ha leite gjennom Ravelry på jakt etter det perfekte mønsteret endte eg opp å kombinere to mønstre, February Lady Sweater og Top-Down Shoulder Warmer. Eg strikka den i Finull. Har brukt han ein del, han er både god og varn.

Nyleg gjorde eg ferdig Tunikaen frå Strikk til nøstebarn til meg sjølv. Tunikaen er strikka i 2-trådsgarnet til nøstebarn i lyng-lilla. Tunikaen er fantastisk god å ha på, og den var rask å strikke. Trur eg kjem til å bruke han mykje til vinteren.  

 

No må eg lage litt mat, men eg er ganske viss på at det vert mindre enn 6 månader til neste blogginnlegget.

Marius

Eg har strikka min første Marius-genser, og er veldig godt nøgd og litt stolt. Mønsteret er frå Sandnes sitt klassikarhefte, kor det mellom anna er eit mønster på Marius med rundfelling. Eg har strikka versjonen min i Sandnes Alpakka, og eg synest det var eit veldig godt garn å strikke med. Håper det held seg godt i bruk òg. Fargevalet mitt er noko utradisjonelt, men eg trur nok desse fargane passar meg betre enn kva som er tilfelle med den tradisjonelle varianten.

I've knitted my very first Marius-Sweater. It's a traditional Norwegian pattern, that I've also wanted to knit. The traditional colour choice is blue, white and red, but I think I'll be more pleased with green, white and brown. It's knitted in alpaca, which I loved to knit whit, hopefully it will be great to wear.

   

Huer / Hats

To familiemedlem ynskte seg nokre heimestrikka huer til å varme seg med. Eg har strikka begge modellane før, og dei er både enkle og gøye å strikke. Tanta mi ynskte seg Koolhaas, etter å ha prøvd ein variant eg strikka tidlegare, eigentleg vart litt liten til den som eigentleg skulle få ho, men som tanta mi synest passa perfekt til ho i storleiken. Eg håper denne hua, passar ho både i farge og storleik. Hua er strikka i Babysilk frå DSA, og er deileg mjuk. (Ravelry-lenkje). Kusina mi ynskte seg ei Floppy Toque, likeins til den veslesystra mi fekk til jul, men denne gongen i lyseblått. Hua er strikka i Faerytale, og vert veldig lett.

I've knitted a Koolhaas for my aunt in black Babysilk. This is the third Koolhaas I've knitted, and the pattern is both easy and interesting to knit. My Cousin wished for a hat similar to the one I knitted for my sister to Christmas, therefore I knitted her a Floppy Toque in turcois.

Oppsummering

 

Eg brukte litt tid på å finne kabelen eg treng for å laste opp bilete, derfor har det teke litt tid før eg har fått lasta opp bilete av diverse julegåver.

Eg har for første gong prøvd meg på eit sjalmønster, Kiri.Eg tenkte at det skulle vere uhyre komplisert og vanskeleg, men etter at eg fann ut av mønsteret var det både relativt enkelt og gøy å strikke. Eg skal utan tvil strikke fleire av sjal i 2009. Eg brukte 2 nøste med tynn alpakka frå DSA, så sjalet vart ikkje så stort, men grei storleik for ein nybyrjar. Ho som fekk det i julegåve var godt nøgd, og det er jo det viktigaste for ein strikkar.
    

Søstra min fann nokre vottar i ein butikk ho ynskte seg til jul, og lurte på om eg kunne strikke nokre liknande til ho. Eg fann ut at det var ganske enkelt å lage eit eige mønster av dei. Bråtet ( er det det heiter) på vottane er ekstra langt, fordi det er bretta dobbelt. Dette gjer at viss det er ekstra kaldt ute, så er det lett å brette ut, og få lengre vottar. Vottane er strikka i 2-tråda alpakka frå Pinnsvindesign. Eg fekk lyst til å lage eit tilhørande hue til vottane, og fann oppskriften i VK-Holiday på Floppy Toque som eit godt utgangspunkt. Eg har brukte Fearytale frå DSA, dermed fekk eg 18 m på 10 cm, istadenfor 14 m. På grunn av endra strikkefastleik auka eg opp til 108 masker i starten. Då kusina vår var her på julebesøk, såg ho hua veslesystera mi hadde fått og tinga dermed ein likeins. Har allereie byrja på ei ny hue i same garn, denne gongen i lys turkis (733).

 

Har òg strikka ein ny Porom i juleferien. Denne gongen i  Mirasol frå DSA. Eg brukte p 3.5 og p. 4, det vart nok litt for små pinner, for hua vart litt i minste laget. Men passar kanskje til nokon med litt mindre hovud enn meg, så kan sikkert gje den som gåve ein gong. 

Strikkeplanane for januar:

• Gjere ferdig Floppy Toque i turkis.
• Strikke ein Porom til meg sjølv, har tinga garn frå Jamieson Shetland Wool
• Strikke ein Porom som tanta mi har tinga.
• Strikke ein Koolhaas til ei anna tante.
• Strikke Thermis i bursdagsgåve for storesøstra mi.
• Kome eit godt stykke vidare på Mariusgenseren min.

Men før det er det eksamen....

Julegåver...

It's a long time since my last blog post, there's been so much to do in real life :)  I thought I'd show you some Christmas presents I've knitted. For my friend I've Koolhas in petrol alpaca-silk, a very soft hat.

No er det verkeleg lenge sidan førre blogginnlegg. Eg har strikka sidan sist, men det har hendt så mykje i det verkelege livet, slik at blogginga har vore litt nedprioriert. Nokre julegåver er strikka ferdig no. Eg har strikka Koolhas til ei veninne av meg i Babysilk frå Du Store Alpakka. Eg laga først ei hue i lilla, og følgde mønsteret etter kvinnestorleiken, men forstod at eg var ferdig at den nok vart litt i minste laget. Derfor byrja eg på ei ny hue i petrol med utgangspunkt i herrestoreleiken, trur denne hua skal vere passe til veninna mi. Den første hua, endte mor mi med kjøpe og det vert ei julegåve til ei lita kusine av meg. Så alt gjekk no bra til slutt :) Eg har ikkje noko levande modell som kan vise fram hua, men fann ut at bamsen fekk prøve seg.

For my nephew I've made a vest from left-over yarn I had of Dalegarn Babyull. I love the colours, and hopes it fit my nephew.

For den eine nevøen min har eg laga ein restevest til julegåve. Eg har brukte rester eg hadde av Dale Babyull, og synest fargane er heilt nydelege. Eg nytta "Stribe på stribe vest" i boka Sødt og blødt  av Lene Holme Samsøe som inspirasjon. Men på grunnn av at eg brukte garn med anna strikkefastleik og endra storleik frå 3 til 4 år har eg gjort ein del endringar på mønsteret. Eg er godt nøgd med vesten og kryssar fingrane for at vesten passar.